Хатын-кыз Казанда яшәүче әбинең 200 мең сум акчасын урлаган

Июнь аенда Ростов өлкәсеннән килгән 34 яшьлек хатын-кыз Казанда яшәүче 76 яшьлек пенсионер ханымның акчаларын урлый.

Кыз әбинең ишеген шакый. Фатир хуҗасына аның акчасына бозым ясалуын әйтә. Әбине барлык акчаларын икенче җиргә күчереп куярга күндерә. Әби ул кушканча эшли. Кыз киткәннән соң акчаларның юкка чыгуын белә.

Кызга карата «Караклык» маддәсе буенча җинаять эше кузгатылган. Аны Ростов өлкәсендә тоткарлыйлар, ул үз гаебен таный. Хәзер ул сак астында, эшне тикшерү дәвам итә.