Халык белән очрашулар үтә

РФ Пенсия фондының Мөслим бүлеге белгечләре авыл җирлекләрендә халык белән очрашулар үткәрә, урыннарда гражданнарны кабул итә. Шундый очрашуларның чираттагысы Крәш.Шуран авыл җирлегендә узды. Бу көнне гражданнарны район пенсия фонды бүлеге җитәкчесе Фәридә Ганиева кабул итте. Ул халыкның сорауларына жавап бирде, пенсияләрне индексацияләү, хезмәт хаклары һәм стаж буенча пенсияне янәдән исәпләү буенча сорауларга ачыклык кертте.