Иртәгә очрашу оештырыла

ТР буенча федераль антимонополия хезмәте идарәсе заманча антимонополия хезмәтен җайга салу буенча бурыч һәм максатларны аңлату юнәлешендә чаралар планын эшләде. Шул максаттан районнарда халык, җирле хакимият һәм бизнес вәкилләре белән очрашулар оештырыла. Мәктәпләрдә ачык дәресләр үткәрү дә яхшы нәтиҗәләр бирә. Шундый очрашу 19 февраль көнне Мөслим районында узачак. Очрашуны ТР буенча федераль антимонополия хезмәте идарәсе җитәкчесе урынбасары Гүзәл Шәфигуллина алып барачак. Мөслимлеләрне әлеге очрашуда көтеп калабыз, диләр чараны оештыручылар.