“Иминлек каешы” операциясе бара

Җирлегебездә 25-31 май көннәрендә “Иминлек каешы” профилактик операциясе бара. “Чараның максаты – юл хәрәкәтендә катнашучылар тарафыннан иминлек каешын куллану буенча административ хокук бозуларны кисәтү. Иминлек каешларын куллану машина йөртүченең һәм алгы утыргычта баручы пассажирның аварияләрдә һәлак булу яки имгәнү ихтималын киметә. Иминлек каешын эләктерү машина юл читендә әйләнгән вакытта исән калу мөмкинлеген биш мәртәбә арттыра. Ел башыннан иминлек каешын такмаган 214 машина йөртүчегә административ беркетмә төзелде”, – ди районның ДАИ җитәкчесе Айнур Хәйретдинов.