Иң яхшы Иҗтимагый совет – Мөслимдә

Узган атнада Татарстан Дәүләт Советында ТР Иҗтимагый палатасы утырышы узды. Анда, узган елда иҗтимагый тормыш өлкәсендә ирешелгән уңышлар күрсәтелеп, гражданлык активлыгын тагын да үстерү бурычлары билгеләнде һәм муниципаль районнарның “Иң яхшы Иҗтимагый советы” конкурсына йомгак ясалды. Конкурста катнашкан 33 район арасында Мөслим районы Иҗтимагый советы абсолют җиңүче дип табылды. Утырышта чыгыш ясаган Иҗтимагый совет рәисе Моряк Йосыповка Татарстан Республикасы Иҗтимагый палатасы һәм Татарстан Республикасы муниципаль берәмлекләр ассоциясенең дипломы һәм истәлек бүләге тапшырылды.