Гуманитар ярдәм илтеп тапшырылды

Райондашыбыз Рүзәл Минһаҗев 7 нче тапкыр гуманитар ярдәм җыеп илтүне оештырды. Бу көннәрдә ул Ленар Галәев, Рушат Рөстәмов, Алмаз Исанбаев белән бергә батырларыбыз янына барып кайтты. Ир-егетләребезгә Нива, УАЗ, УАЗ -буханка, ВАЗ-2109 машиналары, тепловизорлар һәм башка бик күп кирәк яраклар, продукция тапшырылды.
Солдатларыбыз һәм район хакимияте исеменнән бу изге эшкә үз өлешен керткән һәр кешегә рәхмәт сүзләрен җиткерәбез!
Батыр ир-егетләребезгә тиз арада исән-имин туган йортларына әйләнеп кайтырга насыйп булсын иде! 

Фото - Рүзәл Минһаҗевның шәхси архивыннан