Грант отып, эш башла!

“2017-2020 елларга Татарстан Республикасында яңа эш башлаучы фермерларга ярдәм” федераль программасы буенча грантлар бирү өчен крестьян (фермер) хуҗалыклары проектларын сайлап алу бәйгесенә йомгак ясалды, дип хәбәр итәләр район авыл хуҗалыгы һәм азык-төлек идарәсеннән. Район буенча грантныңгомуми суммасы – 1,5 млн сум. Грант алучы эшмәкәр яшелчәчелек буенча проектны гамәлгә ашырачак. Программа шартлары буенча грантның һәр миллион сумы чикләрендә 1 өстәмә эш урыны булдырылырга, шулай ук продукция җитештерү күләме елга кимендә 10 процентка артырга тиеш.