ГХАТ бүлеге хәбәр итә

Район гражданлык хәле актларын теркәү бүлеге мәгълүматларыннан күренгәнчә, июль аенда җирлегебездә 19 бала туган, шуларның 10сы – малай, 9ы – кыз. Ел башыннан 94 сабый (46 малай һәм 48 кыз) дөньяга килгән. Июльдә – 29 кеше, ел башыннан 198 кеше якты дөнья белән хушлашкан. Ай дәвамында 17 пар никахларын рәсмиләштергән, 2 гаилә таркалган. Ел башыннан 58 пар гаилә корган, 36 пар өчен гаилә учагы сүнгән.