"Газетаны яратып укыйм"

Нурания Заһидулллина, Вәрәшбаш: 
– Без 1954 елда Бурят-Монголиягә күчеп киткәнбез. Йөри-йөри Үзбәкстанга барып чыктым. Озак еллар Үзбәкстанда почтада эшләдем. 1992 елда туган ягыбыз Мөслим районына күченеп кайттык. “Туган якны күреп килик” дип кенә кайткан идек югыйсә, китмәдек. Биш балам да, Татарстанга кайтып, төрлесе төрле шәһәрләргә урнашты. Кайтканнан бирле “Авыл утлары”на язылам. Район газетасын алдырмый калганым юк, яратып укыйм. Газетадагы бөтен язмаларны укып чыгам. Бу яртыеллыкта гына да 2 мең сумлык газета-журналларга язылдым. Башкаларга да язылырга киңәш итәм.