Гадәттән тыш хәл режимы нәтиҗәләрен бетерү өчен җәлеп ителгән көчләр өчен кертелгән
Казанда газ тарату станциясендә янгын локальләштерелгән, дип хәбәр иттеләр Россия гадәттән тыш хәлләр министрлыгының ТР буенча баш идарәсе матбугат хезмәтендә.
Утны 10.40 сәгатьтә туктата алдык. Факел януның биеклеге 2 метрга кадәр кимегән. Хәл Россия гадәттән тыш хәлләр министрлыгы контролендә тора. Халыкка куркыныч янамый.
«Әлеге гадәттән тыш хәл локаль характерда һәм шәһәр тормышына тәэсир итми, шуңа күрә кайбер гаммәви мәгълүмат чараларының „Казанда гадәттән тыш хәл режимы кертелде“ дигән язмалары чынбарлыкка туры килми. Шәһәр территориясендә гадәттән тыш хәл режимы кертелмәгән», — дип билгеләп үттеләр ТР буенча Россия ГТХМ Баш идарәсе матбугат хезмәтендә.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев