Гадәттән тыш хәл булганда мөслимлеләр югалып калмас

Узган атнада җирлегебездә команда-штат укулары узды. Россия Гадәттән тыш хәлләр министрлыгының Татарстандагы идарәсе хезмәткәрләре районның эвакуация комиссиясенең, авыллардагы 19 эвакуация пунктының эшчәнлеген, көтелмәгән хәлләргә әзерлеген тикшерде. 12-13 октябрь көннәрендә махсус уку тактикасы буенча тикшерү узды. Монда ясалма рәвештә бина ишелү куркынычы, административ бинада янгын чыгу ихтималыннан чыгып, беренче ярдәм күрсәтүгә, тиешле службаларның эш тәртибенә бәя бирелде. "Биш елга бер тапкыр үткәрелүче уку-тикшерүне районның гадәттән тыш хәлләр хезмәткәрләре уңышлы узды", - дип хәбәр итә ТР Гадәттән тыш хәлләр идарәсенең Мөслим районы буенча әйдәүче консультанты Ленар Фәрхетдинов.