Флүзәдән – бланманже
Кафеларда үтә күренмәле матур савытларга салып бирелгән тәмле ризыкның исемен күпләр белеп тә бетермидер. “Бланманже” дип атала ул. Өй шартларында әзерләнгәне аеруча тәмле була. Мөслим авылыннан Флүзә Минһаҗева әлеге төр ризыкны әзерләүнең иң гади ысулы белән таныштыра.
Кирәкле ингредиентлар: 1 стакан сөт, 1 стакан шикәр комы, 30 грамм желатин.
Әзерләү тәртибе: 1 стакан сөт, 1 стакан шикәр комы, 30 грамм желатинны бергә кушып, яхшылап болгатабыз да 30 минутка ял итәргә куябыз. Ярты сәгать узгач, әкрен утта яки су ваннасында болгатып торып җылытабыз. Ләкин кайнатып чыгармаска!
Аерым савытта 250 грамм эремчек, 250 грамм каймак, 3 аш калагы кайнатылмаган сгущенка салып, блендер белән болгатабыз. Өстенә суынган желатинны салып, яхшылап болгатабыз һәм матур савытларга салып өч сәгатькә суыткычка куябыз. Бланманжега төрле җимешләр, банан, киви да кушарга була.
Чәйләрегез тәмле булсын!
Рубриканы Лилия Шәймиева алып бара.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев