Фитр сәдакасы турында

Сөекле Пәйгамбәребез ﷺ,  ялгыш-кимчелекләрдән, гөнаһлардан  һәм буш сүзләрдән чистарыну өчен, шулай ук мохтаҗларны ашату өчен, фитр сәдакасын түләү бурычын куйды. 

Фитр сәдакасы (бәйрәм) намазына кадәр түләнсә, ул фитр сәдакасы дип кабул ителер. Кем дә булса намаздан соң түләсә, ул гадәти сәдака булып кабул ителер.

Фитр сәдакасы фәкыйрьләргә һәм аз керемле мөселманнарга түләнә. 

Фитр сәдакасын мәдрәсәнең яки мәчетнең матди ихтыяҗлары өчен түләргә ярамый! 

Фитр сәдакасын ата-аналар, әби-бабайларга, балаларга, балаларның балаларына, үз гаиләңә бирү тыела. Шуңа да карамастан, мөселман үзенең абыйсы яки сеңлесенә фитр сәдакасын бирергә хокуклы.

Фитр сәдакасының минималь күләме - 150 сум. 
Зәкят чыгару мөмкинлеге булганнарга 800 сум түләргә тәкъдим ителә.

Мөслим мөхтәсибәте.