“Фаиза” сыр да ясый

Тойгелде авылындагы “Фаиза” кооперативында, көнгә 16-18 тонна сөт эшкәртелеп, ак май, сөт, кефир, катык, ряженка, сөт өсте, эремчек кебек продуктлар җитештерелә. Шушы көннәрдә кооперативта сыр да ясала башлады. Җитештерелгән продуктлар Мөслимдәге сәүдә нокталарына һәм Яр Чаллы шәһәренең “Чаллы икмәге” кибетләренә озатыла. Көн саен шәхси хуҗалыклардан җыелган сөтнең 40 тоннасы Пермь шәһәренең – “Кунгуртмолком”, Удмуртиянең “Увамолоко” сөт комбинатларына җибәрелә.