Экспертлар бер ай эчендә заправкаларда бензин һәм дизель ягулыгы сыйфатын тикшерәчәк

Татарстанда мотор ягулыгы сыйфатын тикшерү айлыгы башланганнан бирле 218 автозаправка станциясендә 392 проба алынган. Бу хакта ТР ягулык-энергетика ресурсларыннан рациональ файдалануны һәм сыйфатын тәэмин итү идарәсе башлыгы урынбасары Шамил Гомәров сөйләде.
"Ягулыкны тикшерү айлыгы 26 октябрьдә башланды, хәзер ул экваторны узып китте. Ул ТР Хөкүмәте карары нигезендә үткәрелә. Ул ел саен Татарстанда булган барлык автозаправка станцияләрендә ун елдан артык үткәрелә", - дип аңлатты Гомәров.
Белгеч айлык дәвамында эшче төркем республиканың барлык автозаправка станцияләренә дә йөри, дип өстәде.
"Нигездә, шәхси эшмәкәрләрне, җаваплылыгы чикләнгән җәмгыятьләрне һәм, әлбәттә, “ТАИФ“, “Татнефть“, “Лукойл“ җәмгыятьләрен тикшерергә тырышабыз», – дип санады ул.
Гомәров билгеләп үткәнчә, бүгенге көндә 218 автозаправка станциясендә 392 проба алынган. Хәзерге вакытта лабораториядә алынган пробаларның 70% ы тикшерелгән.
«Пробаларны сайлап алу өчен безнең өч мобиль төркемебез бар, алар Казанга якын районнарга, шулай ук Кама аръягына һәм Әлмәт тирәләренә таралалар. Сыналган 273 пробаның 14е нормативларга туры килми. Аларның 11се-дизель ягулыгы, ә өчесе-автомобиль бензины. Без сайлаган 392 пробаның 142 се – дизель ягулыгы, ә 250 се-бензин», - дип уртаклашты Шамил Гомәров.
Татарстан Республикасында Ягулык-энергетика ресурсларыннан рациональ файдалануны һәм аларның сыйфатын тәэмин итү идарәсе башлыгы урынбасары бензинның сыйфаты туры килмәү турында ачыкланган мәгълүматны АЗС хуҗаларына һәм Татарстан Хөкүмәтенә, шулай ук профильле министрлыкларга җибәрүләрен әйтте.