Эксперт: Telegram-каналлар объектив булмаган блогларга әверелде

Аноним Telegram-каналлар объектив булмаган, мәгълүматны сатучы блогларга әверелгәннәр. Шундый фикерне КФУ ректоры киңәшчесе Юрий Алаев белдерде.
«Алар анда теләгән бөтен нәрсәне яза ала.  Telegram-каналларда лаеклы әйберләр дә бар. Ләкин ул барлык булган мәгълүматның 10% гына. Telegram-каналлар ул журналистика түгел", - дип билгеләп үтте Алаев.
Ул мондый аноним каналлар акрынлап тар тармаклы классик басмаларны алмаштыра, дип өстәде. Шуның аркасында аларның җәмгыятьтә теге яки бу карарлар кабул итүгә йогынты ясау сәләте арта.