Чәчүлекләрнең торышы ни хәлдә?

– Район буенча, тулаем алганда, чәчүлекләрнең торышын яхшы дип бәяләрлек, барлык аграрийлар да технологик алымнарны үтәп эшлиләр. Ләкин кайбер урында кисәтүләр дә ясалды. Көннәр матур торып, яңгырлары вакытында явып, тир түгеп хезмәт куйган механизаторларыбызга лаеклы хезмәт хакы алырга язсын! – диде хезмәт ветераны Ильяс Зиннуров.

Район башлыгы “Туган Як” һәм “Август-Мөслим” агрофирмаларының тәҗрибәле делянкаларының уңышка бер адым булып торуына басым ясады. Бәхәссез, фәнни алым эштә югары нәтиҗәләр бирә.