“Чаңгы юлы – 2019” ярышы старт ала

Районда ХХIХ кышкы спартакиада уеннары старт алды. Мөслимнең универсаль спорт залында оешма-предприятие, авыл җирлекләренең спорт командалары 2-3 февраль көннәрендә волейбол, бадминтон ярышларында көч сынашты. Уеннар бу атнада да дәвам итәчәк. 8 февраль көнне ир-егетләр баскетбол уенында көч сынашачак. 9 февраль көнне иртәнге 10:00 сәгатьтә “Кояшлы Ык” ял паркында (яңа Сабантуй урыны, Ял аланы) “Чаңгы юлы – 2019” ярышы старт ала. Барлык мөслимлеләрне һәм кайткан кунакларны әлеге чаңгы юлларына чакырып калалар. Анда һәркем кайнар ботка һәм шифалы чәй белән сыйлана алачак. 10 февраль көнне кышкы спартакиада уеннары кысаларында троеборье, шахмат һәм шашка уеннары үткәрелә. Ярышлар күңелле булачак. Килми калмагыз!

Фото - Pixabay.com