Бәйрәм кичәсе

Үзәк китапханәдә "Мөслим туган як музее" хезмәткәрләре белән берлектә Г. Тукай исемендәге Мөслим урта гомуми белем бирү мәктәбенең 10а сыйныфы укучылары һәм Мөслим лицееның 11нче сыйныф укучылары катнашында "Аулак өйдә кунакта" дип аталган бәйрәм кичәсе узды. Чара татар көнкүреше һәм гаилә традицияләренең дәвамчанлыгын күрсәтүче театральләштерелгән күренеш белән башланып китте. Укучылар төрле сынауларда: токмач кисү, бәрәңге әрчүдә катнашып, үзләренең осталыкларын күрсәттеләр. Әлеге чараның максаты укучыларны милли йолалар һәм бәйрәмнәр элементлары белән таныштыру, татар халкының гореф-гадәтләрен торгызу һәм саклау өчен оештырылды.