Бәйрәм белән!

Шул уңайдан район башлыгы, район Советы рәисе Рамил Муллин бәйрәм котлавын җиткерде. Анда мондый юллар: “Илебездә Халыклар бердәмлеге көне 2005 елдан билгеләп үтелә. Социаль-иҗтимагый аренада глобаль үзгәртеп корулар татулык, үзара аңлашып эшләү, бердәмлек ихтыяҗын беренче планга куя. Халыклар бердәмлеге көнен билгеләп үтү – Россия Федерациясендә, шул исәптән Татарстанда да халыклар дуслыгын саклау өчен шартлар тудырды, барлык милләт һәм дин вәкилләрен, төрле социаль катлау кешеләрен һәм һөнәр ияләрен берләштерергә мөмкинлек бирде.

Барыгызны да Халыклар бердәмлеге көне белән тәбрик итәм, зур уңышлар, ныклы сәламәтлек телим. Туачак һәр көн җиребезгә аяз күк йөзе һәм тынычлык алып килсен!”