Бу көнне Мөслимдә

Үзем тапкан мал түгел
Электр энергиясен экономияләү максатында быелның 1 ноябреннән республика буенча айлык игълан ителгән иде. Рейд бригадасы берничә оешма һәм хуҗалыкта булды. 
М. Вахитов исемендәге колхоз үзәге урнашкан Түбән Табын авылы. Административ бинага керәбез. Күзгә лампочкалардан сибелгән электр яктысы бәрә. Берничә бүлмәнең ишеген ачабыз. Аларда да ут балкып тора. Югыйсә, көн кояшлы, бинаны өстәмә яктыртуның кирәге дә юк. 
Р. Кәрамуллина, 
“Госэнергонадзор”ның Әлмәт бүлеге инспекторы.
Л. Каһарманова,
махсус корреспондент.  

Экономик уку
Шушы елның 7 декабрендә М. Горький исемендге колхоз территориясендә хуҗалык җитәкчеләре, партоешма секретарьләре, авыл советы башкарма комитеты председательләре, баш зоотехниклар, баш экономистлар, баш ветеринария врачлары, баш бухгалтерлар, терлек азыгы җитештерү цехы начальниклары һәм партия активы катнашында район экономик мәктәбенең чираттагы занятиесе үтте. Анда катнашучылар Октябрь һәм Сөякәй товарлыклы-сөтчелек, Бәкәбез дуңгызчылык фермаларында булып, кышлату барышы белән таныштылар. Занятиенең теоретик өлеше Октябрь культура йортында үтте.  

Тиешле тәрбия булса
Менә егерме елга якын инде яшь бозаулар тәрбиялим. Алар аеруча зур кайгырту сорый. Яшь малларны 20 көнлек вакытта кабул итеп алабыз. Һәркайсыбызга кырык һәм аннан да күбрәк баш туры килә. Әле генә аналарыннан аерылып, сөтне чиләктән эчәргә яңа гына өйрәнеп килүче бозауларны чын күңел биреп карамасаң, алар бик тиз авырый, ябыга. Аларны дөрес ашатуга игътибар җитди. 
Ф. Галиева,
“Алга” колхозы бозау караучысы.  
Сәхифәне Мөнирә Арсланова әзерләде.