Бу көнне Мөслимдә

1973 ел

27 март

Сусаклагыч төзегез

Сусаклагычлар (буалар) төзү кирәк. “Правда” һәм “Алга” колхозларында быел ук сусаклагыч булдырыла­чак. “Урал” колхозында да буа төзү планлаштыры­ла. Елгаларда кечкенә буа­лар төзү отышлы. Аларны көтүлекләрне сугару өчен җитәрлек күләмдә су бул­дырырдай үткәргечләр белән тулыландырырга кирәк.

Ә.Сәлахов,

инженер-

мелиоратор.

29 март

Тырышлыкта бөтен бәрәкәт

Дүсил Шәкүров, “Кызыл Октябрь” колхозы предсе­дателе, көне ел туйдырган язгы кыр эшләренә үрнәк хәзерлекнең мөһимлеген үтә кыска һәм гади сүзләр белән белдерде:

– Икмәк бүген ре­монт мастерскойларында, көйләү мәйданчыкларында эшләнә!

Нәкъ менә “эшләнә” диде. Бу сүз артына механизаторларның бер караңгыдан икен­че караңгыга кадәр авыл хуҗалыгы машиналарын ремонтлауларын, мазутка баткан кулларның чәчкеч, культиватор көйләүләре, игенченең гаять күп мәшәкатьләр белән тулы көннәре ятты.

Алмаз Хәйруллин.

Сәхнәдә – ярышташлар

Районыбызның “Алга” һәм Минзәлә районының “Марс” колхозлары – ызан­даш хуҗалыклар. Ярыш­ташлар культура өлкәсендә дә – якын элемтәдә. Тат. Мөшеге бригадасы яшьләре һәм җирле мәктәп укыту­чылары көче белән Симәк авылы клубында “Туган туфрак“ пьесасы сәхнәгә куелды.

Бакый Юлаев.

Укучылар кыюлыгы

Михайловка урта мәктәбенең интернатта торып укучыларның ял сәгате: кем китап укый, кайберләр шахта такта­сы өстенә иелгән. Шулва­кыт бер кызның “Өй яна!” дип кычкыруы һәммәсен шомланырга мәҗбүр итте. Зуррак балалар ут белән көрәшергә ташландылар, аларга кечкенәләр дә ияр­де. Кыюлык һәм оешкан­лык үзенекен итте, янгын сүндерелде.

К.Горбунова.

Сәхифәне Мөнирә Арсланова әзерләде.