«Брейн-ринг» интеллектуаль уенында ярыштылар

- 30 март көнне мәктәптән тыш эшләр үзәгендә "Мөгаллимнәр һәм остазлар" елы кысаларында "Китап уку - иң яхшы өйрәнү чарасы" дигән исем астында "Брейн-ринг" интеллектуаль уены үтте. Әлеге чарада районыбызның башлангыч сыйныф укытучылары көч сынашты. 5 команда арасында барган ярышта педагоглар төрле компетенциядә үзләренең белемнәрен күрсәтте. Чара бик кызыклы, эчтәлекле, эшлекле һәм бик тә файдалы булды. Уенның нәтиҗәсе буларак, педагоглар әдәби әсәрләр белән эшләгәндә аеруча әһәмият бирелергә тиешле эш төрләрен билгеләде. Брейн-ринг биремнәре буенча ярышны башлангыч сыйныф укытучылары Әлфия Каржавкина (Мөслим лицее) һәм Зөлфия Галимарданова  (Мөслим гимназиясе) алып барды. Чарада урыннарны мәктәптән тыш эшләр үзәге методистларыннан торган компетентлы жюри билгеләде: 1нче урынга Г.Тукай исемендәге мәктәп, 2нче урынга - Мөслим гимназиясе, 3 урынга - Күбәк мәктәбе куст-методик берләшмәсе лаек булды, - дип хәбәр итәләр мәгариф идарәсеннән.

Фото - мәгариф идарәсе архивыннан