Бүгенге көнгә кадәр 1303 кешегә үпкә ялкынсынуы диагнозы куелган

84 кешедә Ковид-19 ачыкланган. 17 райондашыбыз коронавирустан вафат булган. Республиканың төрле шәһәрләрендә үпкә ялкынсынуыннан 290 кеше дәваланган, аларның 237се, савыгып,  өйләренә кайткан. Вируслы үпкә ялкынсынуыннан 43 кеше якты дөнья белән хушлашкан. “Илдә пандемия башланган чордан алып коронавирус һәм үпкә ялкынсынуы 61 кешенең гомерен алып киткән. Бүгенге көндә 7 райондашыбыз коронавирустан шәһәр хастаханәләрендә дәвалана. Амбулатор дәвалауда булучылар саны – 126. 33 райондашыбыз район хастаханәсенең терапия бүлегендә дәвалана”, – ди табиб-инфекционистның шәфкать туташы Гөлнар Кәримова.