Бездә шундый хәлләр бар

Аның максаты – җәяүлеләрнең киемнәрендә һәм рюкзакларында яктылык кайтаручы элементлар булдырырга өндәү. Бу чарада балалар бик теләп катнашты. Куркынычсызлык “маячоклары”н бакчага йөрүче һәрбер сабый куллана дияр идем. Акцияне “Юл хәрәкәте иминлеге” дәүләт бюджет учреждениесенең Мөслим һәм Сарман районнары буенча бүлек җитәкчесе Алсу Ситдыйкова үткәрде. Балалар юл хәрәкәте кагыйдәләре турында һәм юлдагы иминлеккә багышланган шигырьләр сөйләделәр. 
Чара барышында “Күренеп тор!” фотоконкурсы җиңүчеләрен һәм катнашучыларын бүләкләү тантанасы да үтте. Барлык катнашучыларга да яктылык кайтаручы элементлар һәм юл хәрәкәте куркынычсызлыгы буенча буклетлар тапшырылды. Мондый акцияләр балалар өчен бик файдалы.
Индира Хисамиева, Мөслимдәге “Кояшкай” балалар бакчасы тәрбиячесе.