Баланлыда эшсөярләр үсә

Баланлы авыл җирлеге башкарма комитеты 14-18 яшүсмер егет-кызларны район эш һәм мәшгульлек үзәге аша эш белән тәэмин итте. Июнь аенда - 2, июльдә 6 бала җирлек территориясен төзекләндерү буенча күләмле эш башкарды. "Чиста яр" акциясе кысаларында алар Баланлы авылы янындагы ясалма сулыкны чүп-чардан арындырды, җирлектәге биек чүп үләннәрен чапты, зиратта узган өмәдә катнашты һ.б. Алдагы айларда баланлылар посадкаларны корыган агач ботакларынан арындырган иде. Бүген авыл халкы бу территориядәге корыган агачларны кисә.