Балаларга янгын куркынычсызлыгы кагыйдәләрен аңлатыгыз
Россия гадәттән тыш хәлләр министрлыгының ТР буенча идарәсенең күзәтү һәм профилактик эшләр районара бүлеге хәбәр иткәнчә, 2018 елда янгын утында 5 бала үлгән, 26 бала төрле дәрәҗәдәге тән җәрәхәтләре алган.
Электр җиһазларын урнаштыру һәм эксплуатацияләү кагыйдәләрен бозу 3 сабыйның үлеменә, олылар тәмәке тарткан вакытта саксызлык кагыйдәләрен үтәмәгәндә 2 бала үлүгә сәбәп булды. Ут белән балалар шуклыгы нәтиҗәсендә 7 бала тән җәрәһәтләре алган, электр җиһазларын урнаштыру һәм эксплуатацияләү кагыйдәләрен бозу һәм ут белән саксыз эш итү аркасында – 14 бала зыян күргән. Исегездә тотыгыз: еш кына балалар катлаулы хәлгә эләгәләр. Шуның өчен балаларга янгын куркынычсызлыгы күнекмәләренә балачактан ук өйрәтергә кирәк”, – дип хәбәр итә Мөслим һәм Сарман районнары буенча күзәтчелек эшчәнлеге өлкән инспекторы Ренат Идиятуллин.
Фото - Pixabay.com
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев