Авыл җирлекләре арасында спартакиада 16 февральдә башлана.

Елдагыча ул 4 зонада узачак. Зоналарда 1 урынны алган командалар 2 март көнне Мөслимдә финал ярышларында катнаша. Оешма-предприятиеләр һәм авыл җирлекләре арасында 1-2 урынга чыккан командалар суперфиналда очрашачак. Суперфинал 9 мартка билгеләнгән. Ул биш спорт төре буенча үтә. Волейбол, мини-футбол, бадминтон мәҗбүри куелган спорт төрләре булса, тагын ике спорт бәйгесе җирәбә белән сайлап алына. Җирәбә алу 4 март көнне “Мизгел” яшьләр үзәгендә була.