Ашыгыч ярдәм бүлегенә кискен респиратор авырулар белән мөрәҗәгать итүчеләр арткан

Соңгы өч көндә район үзәк хастаханәсенең ашыгыч ярдәм бүлегенә 69 чакыру һәм мөрәҗәгать булган. Көнкүрештәге тән җәрәхәте, югары кан басымы белән мөрәҗәгать иткән өлкәннәр белән бергә сабыйларын кискен респиратор авыруы белән алып килүчеләр дә шактый. “Соңгы арада көчле ютәл белән дә бик күп мөрәҗәгать итәләр. Авыру бетәр дип йөрисе түгел, дәвалану мөһим. Йөткерү кардиаль астма һәм йөрәк-үпкә эшчәнлегендә җитешсезлекләр булганда да барлыкка килергә мөмкин”, – дип кисәтә табиблар.