Ана капиталына – электрон сертификат

Хәзер ана капиталына сертификат алуга гаризаны электрон рәвештә бирү генә түгел, ә сертификатның үзен дә электрон формада алырга була.

Ана капиталына электрон сертификатны рәсмиләштерү өчен пенсия фонды сайтындагы шәхси кабинет аша яисә дәүләт хезмәтләре порталында гариза бирү шарт. Аннан соң шулай ук пенсия фондына мөрәҗәгать итәргә кирәк. Моны бары тик бер тапкыр гына эшлисе – шәхси документлар, мәсәлән, бала туу турында таныклык тапшыру өчен.

Пенсия фонды тарафыннан уңай карар чыгарылгач, электрон сертификат автомат рәвештә гариза бирүченең шәхси кабинетына җибәрелә. Сертификкат белән бергә кабинетка сертификат турында барлык мәгълүмат булган электрон документ та җибәрелә. Әлеге мәгълүматны экраннан карап яисә биткә чыгарырга мөмкин.

2018 елның җиде аенда Мөслим районында клиентларны кабул итү  хезмәтетарафыннан ана капталын алуга 49 гариза кабул ителде, шуларның 31е (63 процент) шәхси кабинетлар аша тапшырылган. Гаиләләр ана капиталыннан файдалану буенча электрон сервислар белән дә актив эшли. Шул ук чорда бу турыда 70 гариза кабул ителде, аларның 36сы (51 процент) электрон рәвештә бирелгән.

Мөслим районында клиентларны кабул итү хезмәте.