Җан җылысын биреп
Мөслим туган якны өйрәнү музеенда "Түребездә кунак бар" проекты эшли. Шул унайдан бүген якташыбыз Фәридә Әшрафуллина белән "Җан җылысын биреп" исемле очрашу кичәсе узды.
Чара барышында Фәридә ханым Мөслимдә укыган чакларын, Воскресенка, Покровка, Коммуна авылларында эшләгән вакытларын җылы сүзләр белән искә алды.
"Фәридә ханым вакытының бер минутын да бушка уздырмый. Ул бертуктамый эшли, иҗат итә, һәрвакыт хәрәкәттә. Үз куллары белән күз явын алырдай эшләнмәләр ясый. Тегү, чигү, бәйләм - боларның барысын да Фәридә ханым башкара. Алдагы көннәрдә дә Фәридә ханымга иҗади уңышлар телибез", - дип хәбәр итәләр безгә музей хезмәткәрләре.
Фотолар - музей архивыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев