Алиядән – тәмле булгур
Булгур – бик тәмле һәм файдалы ризык. Булгур белән тавык ите гаҗәеп сусыл һәм аппетитлы килеп чыга. Балалар да аны бик теләп ашыйлар. Булгурдан бик күп төрле ризык әзерләп була. Булгурны пешерер алдыннан юыргамы-юкмы дигән фикерләр бар. Теләгән кеше юа, юмаганы булгурны майда кыздыра. Каенсаз кызы Алия Нургалиевадан ит белән булгур рецепты тәкъдим итәбез.
Кирәкле ингредиентлар: 300 грамм тавык филесы, бер зур кишер, бер баш суган, бер зур татлы борыч, бер стакан су, 2,5 стакан булгур ярмасы, тәменчә зәйтүн мае һәм борыч.
Әзерләү тәртибе: тавык итен вак кисәкләргә турыйбыз. Аннары зәйтүн маенда кыздырып алабыз. Бик вак итеп кишер, борыч һәм суганны турыйбыз. Барысын да табага салып, биш минут чамасы кыздырабыз. Аерым табада булгур ярмасын зәйтүн маенда кыздырабыз. Аннары булгурны яшелчәләр өстенә салабыз да өстенә су салып, кайнатып чыгарабыз. Кайнап чыкканнан соң, 15 минут сүрән утта пешерәбез. Табынга кайнар килеш бирәбез.
Тәмле булсын!
Рубриканы Лилия Шәймиева алып бара.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев