Аңлату эшләре алып барылачак

5-18 март көннәрендә Татарстан Республикасында караңгы вакытта җәяүлеләрнең фонарьлардан файдалануын популярлаштыру чаралары узачак. Бу чаралар юл хәрәкәте иминлеген тәэмин итү мәсьәләләре буенча ТР Хөкүмәте һәм ТР Эчке эшләр министрлыгы коллегиясенең берләштерелгән утырышында тәкъдим ителде. “Районның ДАИ хезмәте, Мөслим һәм Сарман районнары буенча “Юл хәрәкәте иминлеге” дәүләт бюджет учреждениесе хезмәткәрләре җәяүлеләр катнашындагы юл һәлакәтләрен кисәтү максатында ике атна дәвамында автомобиль юллары янында урнашкан торак пунктларда аңлату эшләре алып барачак. Очрашу вакытында җәяүлеләргә фонарьлар да өләшәчәкләр”, – дип хәбәр итә районның ДАИ җитәкчесе Айнур Хәйретдинов.