Алар - Татарстан чемпионнары!

2005-2006 елгы егетләр арасында волейбол буенча республика беренчелеге үтте. Ярышлар 1-4 апрель көннәрендә Минзәлә шәһәренең “Юбилейный” спорт мәктәбендә узды. Анда Актаныш, Алексеевск, Арча, Әтнә, Баулы, Алабуга, Кукмара, Мамадыш, Минзәлә, Мөслим, Нурлат, Саба, Балык Бистәсе, Сарман һәм Чирмешәннән 15 команда катнашты. Мөслим волейболчылары, матур уен күрсәтеп, беренче урынга чыкты. Икенче-өченче урыннарда – Алексеевск һәм Әтнә районнары командалары. Безнең спортчыларның тренерлары – Илдар Мадьяров, Илназ Кашапов һәм Шамил Мадьяров.