«Акыл көрәше» уены узды

Метрәй авыл җирлегенең актив яшьләре катнашында «Акыл көрәше» интеллектуаль уены узды. “Акыл көрәше”ндә бирелгән сораулар Ватан тарихын, Россия шәһәрләрен белүгә багышланды. Гомуми фикерләүгә, тапкырлыкка кагылышлы биремнәр дә бар иде. Гомуми нәтиҗәләр ясаганнан соң «Акыл көрәше» интеллектуаль уенында призлы урыннар түбәндәгечә бүленде.  Дүртенче урынны “Дуслар» командасы, өченче урынны «Мөслим кырмыскалары һәм Ирхәт» командасы, икенче урынны «Ала карга» командасы яулады. Ә инде уенының җиңүчесе булып «Дүрт почмак» командасы танылды. Метрәйдә чараны "Мизгел" яшьләр үзәге белгечләре оештырды.