Акция кысаларында

“Ветераннар янәшәдә яши” акциясе кысаларында Яңа Усы авылы китапханәчесе мәдәният йорты җитәкчесе белән берлектә, тыл ветераны Игошева Клара апаның өендә булдылар, хәлләрен белештеләр. Очрашу дулкынландыргыч үтте. Ул сугышка кадәрге һәм сугыштан соңгы авыр ачлык еллары турында сөйләде. Бу елларны ачынып искә алды. Әңгәмә ахырында аңа игътибар һәм кайгыртучанлык күрсәткән өчен ихлас күңелдән рәхмәт белдерде. Шулай ук китапханәче Клара апаны яңа вакытлы матбугат белән таныштырды. Көрәкләр белән коралланып ихатада җыелган карны җыештырдылар.