2020 ел ахырына Татарстанда 3 млн. кв. метр торак төзергә планлаштыралар

Татарстанда бу ел ахырына 3 млн.кв. метр торак төзергә планлаштыралар, хәзер бөтен төзелеш тармагы бу бурычны үтәргә җыена. Бу хакта ТР төзелеш, архитектура һәм торак-коммуналь хуҗалык министры Фәрит Хәнифов хәбәр итте.
«Быел 2 млн. 979 мең кв. метр торак төзү бурычы куелган. Без бу бурычны үтәргә җыенабыз", - диде министр.
"Татарстан буенча 5 ел дәвамында 3 млн 600 мең кв. метр торак төзү максаты куелды. Бу без эшләргә күнеккән эшкә караганда бер ярым тапкырга күбрәк", - дип билгеләп үтте ул.