“2018 елда удмурт телендә иң яхшы әдәби әсәр” конкурсына гаризалар кабул ителә башлады

15 февральдән "2018 елда удмурт телендә иң яхшы әдәби әсәр" конкурсына гаризалар кабул ителә башлады. Конкурс Удмурт Республикасы матбугат һәм массакүләм коммуникацияләр агентлыгы һәм "Кенеш" журналы редакциясе тарафыннан оештырылган. Конкурста удмурт телендә язучы барлык авторлар да катнаша ала. Эшләр 2018 нче елның 10 ноябренә кадәр Удмурт Республикасы, Ижевск шәһәре, Пастухов урамы, 13 йорт, "кенеш" журналы редакциясе адресы буенча кабул ителә. Нәтиҗә 2019 елның гыйнварында ясалачак. Конкурсның нигезләмәсе белән Удмурт Республикасы матбугат һәм массакүләм коммуникацияләр агентлыгының сайтыннан танышырга мөмкин.