2000нче сайлау участогында 547 кеше катнаша

Мәлләтамак авыл җирлегендә һәм Нарат Астында яшәүчеләр Мәлләтамак авылы мәдәният йортында урнашкан 2000 нче санлы сайлау участогында тавыш бирә. Тавыш бирүдә барлыгы 547 кеше катнаша. Сайлаучылар оешкан төстә килә, тирә-юньгә музыка яңгырый. Район эчке эшләр бүлегеннән һәм район Советыннан вәкилләр күзәтеп тора.

Халыктан җыелган үзара салым акчасына юллар төзекләндерелә, су челтәрләре яңартыла, урамдагы баганаларга лампочкалар куела, зиратлар әйләндерелә, карт агачлар киселә. Кыскасы, болар барысы да халыкның тормыш-көнкүрешен тагын да яхшырту өчен эшләнә.