13 чыршы бәясе

Суд аны РФ Җинаятьләр кодексының 260 маддәсе 1 бүлегендә каралган җинаять кылуда (рөхсәтсез шактый күләмдә урманда агач кисүдә) гаепле дип тапты. Судта ачыкланганча, 2019нчы елның 20 декабрендә 13.00 сәгать тирәсендә Усы урманчылыгы биләмәсендә М. кул пычкысы белән диаметры 12 сантиметр булган 13 төп яшь чыршы кисә. Нәтиҗәдә “Минзәлә урманчылыгы” дәүләт казна учреждениесенә 24414 сум зыян салына. Җинаять эшен карау вакытына зыян капланмаган. 
Гаепләнүче үз гаебен таныды. Суд аны гаепле дип таныды һәм 300 сәгать мәҗбүри эш рәвешендә җәза билгеләде. Суд шулай ук гражданлык суд эшләрен башкару тәртибендә Минзәлә урманчылыгының гражданлык дәгъвасын канәгатьләндерүгә хокукын таныды.  

Район прокуратурасы.