03 хәбәр итә

Июль башыннан югары һава температурасы күзәтелә. 30 градус һәм аннан югары эсселектә хроник авырулар кискенләшә. Мөслим үзәк хастаханәсеннән алынган мәгълүматлардан күренгәнчә, ай башыннан кояш сугып, ашыгыч ярдәм бүлегенә 13 кеше мөрәҗәгать иткән. Төп симптомнар – баш авырту, хәлсезлек, күңел болгану, косу. “Йөрәк-кан тамырлары авырулары кискенләшү җәйнең иң кызу чагында күбрәк күзәтелә. Ай башыннан мондый мөрәҗәгатьләр ике тапкырга артты”, – ди ашыгыч ярдәм бүлеге фельдшеры Гөлфирә Сабирова. Соңгы көннәрдә корт чагу очраклары да арткан. 3 кеше анафилактик шок хәлендә хастаханәгә озатылган.