03 хәбәр итә

Соңгы ике көндә район үзәк хастаханәсенең ашыгыч ярдәм бүлегенә 83 чакыру һәм мөрәҗәгать булган. Аларның күбесе йөрәк-кан тамырлары авырулары һәм кискен респиратор авырулар белән. Көнкүрештә тән җәрәхәте алган дүрт райондашыбызга беренче ярдәм күрсәтелгән. Алты кешегә “үпкә ялкынсынуы” диагнозы куелып,  Яр Чаллы шәһәренең йогышлы авырулар хастаханәсенә озатылган. Сабыйлары томаулап, ютәлләп мөрәҗәгать итүчеләрнең шушы вакытта кисәк артуын билгеләп үтә фельдшерлар. “Җәйдән көзгә күчкән чорда балаларны җылы киендерүгә аерым игътибар бирегез. Табиб белән киңәшләшеп, профилактика өчен витаминнар кабул итү зарур”, – ди табиблар.