02 көндәлеге: бер җинаять эше кузгатылды

Өендә законсыз төстә утлы корал саклаган өчен, Мәлләтамак авылында гомер итүче 57 яшьлек ир-атка карата РФ ҖКның 222 маддәсе 1 бүлеге буенча җинаять эше кузгатылды. Тикшерү эше бара.
Җәмәгать урыннарында исерек килеш йөргән һәм спиртлы эчемлекләр кулланган, ата-ана бурычларын үтәмәгән, законсыз төстә алкоголь продукциясен реализацияләгән, административ хокук бозулар өчен суд тарафыннан билгеләнгән штрафларны түләмәгән һәм төрле тәртип бозулар өчен – 97 кешегә административ беркетмә төзелде.
Узган атнада механик характердагы 2 юл-транспорт һәлакәте булды. Исерек килеш транспорт белән идарә иткән – 2, юл хәрәкәте кагыйдәләрен бозган өчен 89 кешегә административ беркетмә төзелде.
Атна дәвамында дүрт кинәт үлү очрагы теркәлде.
Район эчке эшләр бүлеге штабы.

https://www.shutterstock.com фотосы