02 көндәлеге: административ хокук бозулар буенча 139 беркетмә төзелде

7 августтан 14 августка кадәр район эчке эшләр бүлегенең дежур частенә 54 хәбәр керде.

Профилактик чаралар вакытында административ хокук бозулар буенча 139 беркетмә төзелде. Җәмәгать урыннарында исерек килеш йөргән, кеше кыйнаган,  ата-ана вазыйфаларын үтәмәгән, урлашкан, штрафларын вакытында түләмәгән өчен 113 райондашыбыз җаваплылыкка тартылды.

Юл хәрәкәте кагыйдәләрен бозган өчен – 123, автотранспорт белән исерек килеш идарә иткән өчен 1 беркетмә төзелде. Атна дәвамында 5 юл-транспорт һәлакәте булды, барысы да механик характерда, зыян күрүчеләр юк. 113 беркетмәдән 12се “Имин шәһәр” АП-комплекс ярдәмендә ачыкланды. Хокук бозучылар билгеле, алар административ җаваплылыкка тартылды.

Узган атнада 1 кинәт үлү очрагы теркәлде.

Район эчке эшләр бүлеге штабы.