Зур ремонт эшләре бара

Бу көннәрдә Мөслимдәге Кооператив һәм Авзалов урамнарындагы күпфатирлы йортлар ишегалдында зур ремонт эшләре бара. Биредә өч йортка бер зур парковка ясала. Бүген Авзалов урамындагы 1б йорты һәм Кооператив урамындагы 168 йорт араларындагы хәзерге парковканы зурайту эше төгәлләнде дияргә була. Авзалов 1Б урамы ишегалдына керү юлына бордюрлар куелды. Балалар өчен уен мәйданчыгы һәр йортка аерым булачак. Кооператив урамындагы 170 Б йортына якынрак урнаштырылганы Авзалов урамы 1 Б йорты янына күчерелә. Кооператив урамы йорты янына өр-яңа балалар мәйданчыгы куелачак. Биредә уен модульләре дә үзгә булачак.