Үзешчәннәр сәхнә тота

Оешма-предрпиятиеләр арасында үзешчән сәнгатьтә катнашучыларның “Без бу җирдә бары Мөслимнеке” дип исемләнгән район смотр-конкурсы башланып китте. Чәршәмбе көнне район мәдәният йортында Габдулла Тукай исемендәге урта мәктәп, “Миләшкәй” һәм “Ләйсән” балалар бакчалары коллективлары сәхнә тотты. 31 октябрьдә мәдәният йорты сәхнәсен район мәгариф идарәсе, “Мизгел” яшьләр үзәге, Балалар һәм яшүсмерләр спорт мәктәбе, Мәктәптән тыш эшләр үзәге, “Яшьлек” спорт комлпексы, “Күптармаклы уку-укыту” үзәге үзешчәннәре чыгыш ясаячак.