Юллар,юллар

Җирлекләрдә халык белән очрашулар, җыеннар башланып китте. Кече авылларның берсе булган Исәнсеф Чишмәдә узган очрашуда район башлыгы киңәшчесе Рәшит Кирамов катнашты. Кече авыллар күпвакыт игътибардан читтә калып килә. Шул сәбәпле кече авылларда яшәүчеләрне борчыган проблемалар да кискенрәк яңгыраш ала кебек. Район үзәгеннән читтә урнашкан Исәнсеф Чишмәдә яшәүчеләр дә очрашудан файдаланып үз проблемалары хакында сөйләп калырга, йөрәк авазларын ишеттерергә тырышты. Авыл җирлекләрендә узган җыеннарда юллар проблемасы еш күтәрелә. Исәнсеф-Чишмә авылы халкын да юллар торышы мәсьәләсе борчый. Авыл җыеныннан тулы репортажны Мөслим телевидениесенең шимбә чыгарылышында карый аласыз.