Юллар, юллар

Бу көннәрдә "Мост" җәмгыяте эшчеләре Мәлләтамак авыл җирлегендә юлларны ремонтлау белән мәшгуль. Колхоз урамында 530 метр озынлыгында юл күтәртелеп, өстенә комлы таш һәм гравий салынды. Авылның Яшьләр урамында да шундый ук эш башланып китте. Юл ремонтында 7 техника һәм 9 кеше катнаша. Әлеге эшләр халыктан җыелган үзара салым акчасы хисабына башкарыла. Урамнарга салынган су торбаларын кайтаруда һәм урнаштыруда ярдәм иткән "Туган як" агрофирмасы директоры Тимерхан Миргаязовка Мәлләтамак авыл җирлегендә яшәүчеләр зур рәхмәтен белдерә.