Юл-транспорт һәлакәте булды

Узган якшәмбедә Мөслим-Карамалы юлында юл-транспорт һәлакәте була. ВАЗ-2109 машинасы шоферы, машина белән идарәне югалтып, кюветка төшеп тәгәри. Нәтиҗәдә машина эчендәге пассажир авыр тән җәрәхәтләре ала. “Гравий өслекле юлда тизлекне арттырырга ярамый. Әлеге авария да шул сәбәпле килеп чыккан. Шофер да, пассажир да Яр Чаллы шәһәре хастаханәсенә озатылды. Бу – ел башыннан тән җәрәхәтләре белән теркәлгән алтынчы авария. Юлларда сак йөрегез!” – ди районның ДАИ инспекторы Феликс Мәгъданов.