Дуслык җепләре ныгый

Мөслим һәм Тукай районнарының әфган сугышы, хезмәт ветераннары арасындагы дуслык җепләре һәр очрашудан тагын да ныгый, ике район арасында аралар да якыная бара. Тукайлылар Иске Абдул авыл җирлеге территориясендә мөслимлеләрнең "Сүнмәс дәрт" ветераннар клубы әгьзаларын, аларны озата килгән район җитәкчелеге вәкилләрен олы кунак итеп зурлап каршыладылар, хөрмәт күрсәттеләр.
Мөслимнән килгән кунаклар да буш кул килмәделәр.Капитал ремонт үткәрелгән матур мәдәният йортын тутырып килгән тамашачыларга концерт куйдылар, Бөек Ватан, әфган сугышында һәлак булганнар һәйкәлләренә чәчәкләр салдылар.